عنوان المشاركة: (نملة :::::::::ونملة )في حوار(كوميدي )اضحك قليلا
مرسل: الأحد يوليو 25, 2010 5:58 pm
ساحر أنيق
اشترك في: الثلاثاء يوليو 08, 2008 4:27 pm مشاركات: 5304
انتو ماشين اجازة ؟ ايوى ياختى ماشين وين ؟الشلالات (بتقصد نقاع الزير) طيب هناك في زي بحيرة كدى بتقطعوها كيف ؟(الكورة الصغيرة التحت النقاع) مافي مشكلةعندنا مركب لونها اصفر والله شغالين نجر فيها ستة يوم (تقصد قرفة تسالي وجروها ستة دقائق ) اهنا معاكم منو ؟ خالتي وخطيبي خطيبك الود ابو جنحين اصلي مابتكيف ليه الود دا (النملة ام ريش) ماله ؟ والله هو بيلبس شاله دا عشان يغازل البنات يخسي على مشاغلته كلها نطيط من هنا ومن هنا مرة قالو طلع بمعجزة كيف ؟قالوا قرص ليه واحد من العمالقة او قالو جبل عديل (تقصد طفل عمرة تلاتة شهورا تقصد الحاجات الكبارة البتعفصنا مرات ونحن بنطلع منهم ؟ ايوى وقعدوا يفتشوا ليه عاوزين يقتلوه اكان طار يختي خلينا اهنا شايلين معاكم شنو للرحلة ؟ غايتو امس البنات جابوا لبيت الملكة حاجات كتيرة
سكر وعيش وخروف (تقصد بكتيريا) نحن مرة اخدنا معانا عجل مش حمل زيكم (تقصد ذبابة ) العيد قرب :: جبتوا شنو عملنا سرميك في الغرف (تقصد جروا ليهم ذرات لبن بدرة جات عليها نقطة موية بقى يلمع وفرشنا سجاد (لقوا ليهم منديل ورق كان واحد من العمالقة بعد ماشرب العصير رماه اشتموا او ذاقوا طعم السكر) غايتو قصر الملكة بقى جميل شديد اخر مرة ولدت متى ؟ هسع ولدت اصلها فاكانا نحن للشقاوة وهي شغالة ولادة ننقل كل حاجة العجب اخواني مشغالاهم عبيد والبيت بقى سمح لكن والله خائفين خائفين من شنو ؟ قالوا في حرب وحايستعملوا فيها اسلحة كميائية(بتقصد جمكسين) سمعتي وين ؟ القرى الجنبنا كلهم ماتوا ودا منو البحاربنا ؟ مافي غير العمالقة انا ذاتي ماعارفة نحن عملنا ليهم شنو مرة يحرقونا بقنابل ذرية ومرة دمار شامل مع انه نحن الايام دي مشينا بعيد من محل العفص لكن مامخلننا هو نحن قاعدين ناكل غير الحاجة البتقع منهم الله يسامحهم بس
اشترك في: الثلاثاء يوليو 08, 2008 4:27 pm مشاركات: 5304
الابنوسي1 كتب:
سلام استاذة ماجدة
حقيقه ديل شايلين اكفانن تحت رجولنا بس الولد البنطط دا ابريش دا عندو قرصه اخلي الواحد احس بيها في قلبو خطبتوا ان شاء الله تديو شاكوش.
تحياتي
الابنوسي ان الله مبدع وحكمه ظاهرة جلية الكل يدوس على الكل ولكن جعل للضعفاء وسائل دفاع وسبل للمحافظة على البقاء مشكور الود ابو يش خطير مامخلي نملة قصدي عملاق ماقرصه لكن اجنحته مصيرها لزوال
اشترك في: الاثنين أغسطس 17, 2009 7:04 am مشاركات: 1377 مكان: قطر
الاستاذه ماجده تحياتي حضور ..وسرور
وعلى ذكر النمل
هناك نوع من النمل يعيش على الرعي فيرعى قطعانا من حشرة المن ويجلبها ويعيش على افرازاتها السكرية قال تعالى : حَتَّى إِذَا أَتَوْا عَلَى وَادِ النَّمْلِ قَالَتْ نَمْلَةٌ يَا أَيُّهَا النَّمْلُ ادْخُلُوا مَسَاكِنَكُمْ لَا يَحْطِمَنَّكُمْ سُلَيْمَانُ وَجُنُودُهُ وَهُمْ لَا يَشْعُرُونَ {18} فَتَبَسَّمَ ضَاحِكاً مِّن قَوْلِهَا وَقَالَ رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحاً تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ {19} صدق الله العظيم
_________________ ياوطنى يا بلد أحبابى فى وجودى احبك وغيابى يا الخرطوم يا العندى جمالك ..جنة رضوان طوول عمرى ما شفت مثالك فى اى مكان انا هنا شبيت يا وطني يا وطني يا بلد أحبابى فى وجودى احبك وغيابى يا الخرطوم يا العندى جمالك ..جنة رضوان طوول عمرى ما شفت مثالك فى اى مكان انا هنا شبيت يا وطني زيك ما لقيت يا وطني فى وجودى احبك وغيابى ياحليلك وياحليل ايامك على ليالى زمان وقلبى عايش لغرامك ما بعد غرام كانت أيام يا وطني زى الأحلام يا وطني بتذكر فيك عهد صبايا على شاطئ النيل حبيبى جالس حدايا أسمر وجميل انا بفخر بيك يا وطني بالروح افديك يا وطني
اشترك في: الأربعاء مارس 26, 2008 11:12 am مشاركات: 2575
العزيزة ماجدة إمام .... لك الود والتحايا الطيبات ....
تالله قرأت النص أكثر من مرة .. وفى كل مرة يزداد الشعور بالدهشة والضحك .. الضحك الذى ينبعث من النفس عندما تكون فى قمة الإستمتاع بالسرور مما تقرأ وبالرضا عماترى من إبداع .. وقد سبق أن قلتها لشاعرنا حسين عبد الوهاب : نحن السودانيين عندما تملأ الدهشة نفوسنا .. فإننا نتخلى عن كل الكلمات التى نجيدها ونتقنها .. ونتخلى عن التحليل ونتخلى عن كل تعبيرات الجمال .. نستوى فى ذلك جميعنا صغيرنا وكبيرنا .. جاهلنا والمتعلم فينا .. ونلجأ جميعنا لتعبير واحد فقط .. نعتقد جازمين أنه التعبير الوحيد فى اللغة العربية رغم اتساع قدراتها .. القادر على حمل مانشعر ونحس به والقادر على توصيله ووصفه .... هو نفس التعبير أو العبارة التى سأقولها لك مكتفياً ومقتنعاً بها تماماً : ( ماجدة إمام ! بالغتِ ) .... ودى ..
اشترك في: الثلاثاء يوليو 08, 2008 4:27 pm مشاركات: 5304
بابكر قدور كتب:
العزيزة ماجدة إمام .... لك الود والتحايا الطيبات ....
تالله قرأت النص أكثر من مرة .. وفى كل مرة يزداد الشعور بالدهشة والضحك .. الضحك الذى ينبعث من النفس عندما تكون فى قمة الإستمتاع بالسرور مما تقرأ وبالرضا عماترى من إبداع .. وقد سبق أن قلتها لشاعرنا حسين عبد الوهاب : نحن السودانيين عندما تملأ الدهشة نفوسنا .. فإننا نتخلى عن كل الكلمات التى نجيدها ونتقنها .. ونتخلى عن التحليل ونتخلى عن كل تعبيرات الجمال .. نستوى فى ذلك جميعنا صغيرنا وكبيرنا .. جاهلنا والمتعلم فينا .. ونلجأ جميعنا لتعبير واحد فقط .. نعتقد جازمين أنه التعبير الوحيد فى اللغة العربية رغم اتساع قدراتها .. القادر على حمل مانشعر ونحس به والقادر على توصيله ووصفه .... هو نفس التعبير أو العبارة التى سأقولها لك مكتفياً ومقتنعاً بها تماماً : ( ماجدة إمام ! بالغتِ ) .... ودى ..
اذا اضفت اكون قد فككت جزئيات التسبيك عندك ايها الموسوعة حتى في الايحاء كما اضحكتك فعلت بي انا عندما انتهيت من كتابتها اثر مشاهدة نملتين يمران بجانبي لن انساهما ولكن لا اعرف اين ذهبتنا اودعتهم مالك الكون هو رحيم بخلقه عليم بدقائق الاشياء قدور التامل لايفارقنا هو يسحبنا من الواقع كل حين ونحن سعداء به جزاك الله خيرا ايها المتامل المتذوق معزتي
اشترك في: الثلاثاء يوليو 08, 2008 4:27 pm مشاركات: 5304
ود القوز كتب:
ربنا يسعدك كما أسعدتينا ... حقيقي نص مفرح .. وبه كم هائل من المرح .. تقديري يا ماجده ...
ولانكم اهل ابتسامة تايكم هي ومالحياة الا ابتسامة عريضة لمن عرف حقيقتها والابتسامة صدقة حينما ياتيني تامل في ضعفنا ابتسم لك اكبر ابتسامة ود القوز ومشكور على الفهم الراقي
المستخدمون المتصفحون لهذا المنتدى: Google Adsense [Bot], scorpion, سعيد ادريس و 6 زائر/زوار
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
